Materiale plotësuese kurrikulare – Për mësimin e shkronjave – 1

Mëso duke luajtur – kjo është strategjia kryesore e të mësuarit nëpërmjet përdorimit të këtyre materialeve plotësuese kurrikulare në formën e fletoreve didaktike të modeluara
Këto materiale janë botuar me letër cilësore dhe me dy formate: një format më i madh për mësueset dhe një format më i vogël për fëmijët. Në të do të gjeni 13 lojëra didaktike dhe ndërvepruese, me qëllim që fëmijët t’i mësojnë shkronjat e alfabetit të gjuhës shqipe sipas treguesve të fushës së zhvillimit (zhvillimi gjuhësor, leximi dhe shkrimi).
Fëmijët do të lexojnë, do të përforcojnë mësimin e shkronjave, rrokjeve, fjalëve e fjalive, por gjithashtu do të aftësohen që të presin me gërshërë, të palosin, të dekorojnë, të ngjyrosin, të koordinojnë njëkohësisht veprimet e syrit dhe të dorës, të zhvillojnë motorikën fine apo lëvizjen e muskujve të vegjël të duarve.

Lojëra didaktike gjuhësore:
1. Shikoni, lexoni, shkruani
2. Fjalë të njëjta, kuptime të ndryshme: homonimet
3. Kalendari(Sot është…)
4. Gjej rrokjet e fjalës
5. Fjalë me rimë
6. Fjala e fshehur
7. Fjalët e fshehura në rrokje
8. Gjeni fjalët
9. Zgjidhni figurën dhe gjeni fjalën
10. Kartela formuese me 4 shkronja
11. Përputhni figurën me hijen
12. Lojë për lexim dhe shkrim
13. Lule me shkronja